”Gabriel Fliflet har evnen til å skape melodier som både er originale, vakre og klarer å understreke innholdet i teksten. (...) flere av dem har potensial til å bli nye ”nasjonalsanger” når vestlendinger møtes. Uroppføringen av "Åresong" ble rett og slett en høytidsstund med sanger som vil bli høyst skattet lenge”, skreiv Olav Gorseth i Bergens Tidende 29. mai 2010.
Også Bergensavisen var svært begeistra, og ga framsyninga terningkast seks:
”Etter en konsert som dette, har du bare én tanke i hodet: At alle må få høre denne musikken! For Gabriel Fliflet har laget så gode melodier til Jon Fosses fine tekster at bestillingsverket "Åresong" kommer til å leve lenge etter at de 58. Festspillene i Bergen er gått over i historien.”
I "Åresong" møter vi eit mangfald av stemningar, mennesketyper og fenomen. Fliflet har her med seg nokre av sine favorittmusikare. Både Per Jørgensen (trompet, song), Benedicte Maurseth (song, hardingfele), Stein Urheim (strengeinstrument, song) og Kristoffer Chelsom Vogt (song, kontrabass) sett sitt preg på melodiane.
Gabriel Fliflet omtalar sjølv tekstane til Jon Fosse som ”små glimt, små brokker av vårt liv, av vår verden”. I samlinga "Åresong" finst både voggesongar og bornesomngar, kjærleiks- og dødssanger.
Jon Fosse ga ut tekstane i boka ”Songar” på Samlaget, hausten 2009. Turnéen med framsyninga held no fram til i morgon, og blir så teken opp att i midten av mars.
Noregsturné 2011:
- 16. februar: Sandnes kulturhus
- 17.februar: Sand, Kulturhuset i Suldal
- 18.februar: Bykle, Hovden grendehus
- 20.februar: Rauland internasjonale vinterfestival
- 14.mars: Bergen, Logen teater
- 16.mars: Øystese, Kabuso
- 17.mars: Florø, Hagen
- 18.mars: Oslo, Riksscenen
- 19.mars: Fredrikstad, St.Croix-huset
Albumet "Åresong" er ute på NORCD.