Etter eit halvt år i Colombia for FN-organisasjonen OCHA - Office for the Coordination of Humanitarian Affairs, er Lene Furuli tilbake i arbeid for Norsk Folkemusikk- og Danselag. Furuli har tidlegare arbeidd med artistprofilering og –formidling gjennom Norsk folkemusikkformidling, men no går ho over i stillinga som dagleg leiar i Norsk Folkemusikk- og Danselag (NFD). Administrasjonen i NFD tel no tre personar. Desse er:
 

LENE FURULI | dagleg leiar i Norsk Folkemusikk- og Danselag
Lene har ansvaret for NFD si daglege drift og jobbar med å følgje opp styret, kulturpolitisk arbeid m.a gjennom Samstemt,, , samt omorganiseringa av folkemusikkfeltet med meir.
KONTAKT: lene@folkogdans.no – tlf: 22 00 56 90


SILJE FØRLAND ERDAL | rådgjevar i Norsk folkemusikkformidling
Silje har ansvaret for profilering og formidling av norsk folkemusikk internasjonalt, og jobbar med prosjekt som mellom anna Spotlight Norway på bransjetreffet Showcase Scottland, Norwegian Tapas – turnésamarbeid i Belgia. Silje er også nettansvarleg for den internasjonale delen av www.folkemusikk.no.
KONTAKT: silje@folkogdans.no – tlf: 22 00 56 93


EIVIND KAASIN | informasjonsrådgjevar
Eivind arbeider med utvikling og oppdatering av den nye nettportalen www.folkemusikk.no, Kvinten, Årbok for norsk folkemusikk, Norsk folkemusikkatalog, samt andre kommunikasjons- og informasjonsrelaterte oppgåver.
KONTAKT: eivind@folkogdans.no – tlf: 22 00 56 94


 
 

NB! - NY BESØKS- OG POSTADRESSE

I sommar har NFD flytta frå dei tidlegare kontorlokala i Kirkegata 20, til førebels lokale i Schouskvartalet. Besøksadressa i dei nye lokala er: Trondheimsveien 2, Bygg M, Schouskvartalet. I midten av oktober vil organisasjonen vere på plass i permanente lokale i Schous Kulturbryggeri. Organisasjonen har også fått ny postadresse:

Norsk Folkemusikk- og Danselag Postboks 4613, Sofienberg 0506 OSLO

Vi ber om at alle kontakter endrar adressa vår.



NY NETTPORTAL

I juni etablerte NFD ein ny nettportal, www.folkemusikk.no, i samarbeid med Landslaget for Spelemenn. Portalen er basert på dei to organisasjonane sine tidlegare heimesider, og samlar informasjonen som til no har vore på desse sidene til éin nettportal. Portalen har ei norsk side, som er knytt til aktivitet innan folkemusikk og -dans i Noreg, og ei internasjonal side som er knytt til norske folkemusikarar og - dansarar sin aktivitet internasjonalt. Målet er at portalen skal fungere som ein samlingsstad og møteplass for alle aktørane innan folkemusikk og -dans i Noreg.

NFD nyttar no www.folkemusikk.no som si heimeside. All informasjon om NFD vil bli publisert på den nye nettstaden. Dette fører med seg at www.nfd.no og www.folkogdans.no ikkje lenger vil vere i bruk, og vil om kort tid verte avvikla.