Gudbrandsdalskappleiken 2010 hadde deltakarar i heile 19 ulike klassar i spel og dans. No er det straks tid for å melde seg på dette årets GF-stemne, som skal gå føre seg i Heidalshallen. Arrangørar er Mukampen Spelmannslag og Heidal Spel- og dansarlag
Det blir i år tevla i følgjande klasser:
- Spel fele junior
- Spel fele senior
- Vokal
- Solo andre instrument junior
- Solo andre instrument senior
- Grupper utan komp
- Dans junior
- Dans senior
- Lagdans/mønstring (ikkje dømming)
- G-dans – Masurka (påmelding og betaling «der og da», kr. 20 pr. pers.)
- Grupper med komp – 5 nummer
- Lagspel junior - 2 nummer
- Lagspel senior – 5 nummer, minst ein springleik
Dei tre siste kategoriane spelar også til dans.
- I tillegg vil vi oppmode dei unge opptil fyllte 12 år om å stille i ei eige rekruttklasse. Dette gjeld både både solo og grupper, og alle instrument. I denne klassa er det inga påmeldingsavgift, fortel arrangørane.
Påmeldingsavgifta for dei litt eldre er elles som følger: 150,- pr. vaksen person, 100,- for juniorar, 300,- for grupper , 500,- for lag, og 350,- for lag junior.
- Blanda klasser
Stemnekontoret vil vera ope frå kl. 11.00 denne laurdagen. Det er også moglegheit for øvingsrom frå same klokkeslettet.
- Vi vil «blande klassane» under tevlinga for å gjera programmet variert og publikumsvenleg. Det blir dessutan høve til å få kjøpt seg mat og drikke heile dagen, skriv arrangørane, som ønskjer både tevlarar, dommarar og publikum velkomne til triveleg stemne i Heidalshallen.
Mukampen Spelmannslag er ei sammenslåing mellom Skåbu og Heidal spelmannslag. Dette ble gjort høsten 2007. Sommaren 2010 vart laget Noregsmeistre på Landsfestivalen i gammeldansmusikk, der det deltok 21 lag
I fjor haust vart dei óg kåra til nordiske mestre i folkemusikk i Sälen i Sverige, og vart det fyrste laget fra Noreg som makta den bragden.
Påmelding til GF-stemnet skal skje innan 20. mars. Betalinga merkast med «GF-stemne 2011» og kva/kven det gjeld, og må gå inn på konto 2105.07.26190 innan 25. mars 2011. Interesserte finn meir informasjon på http://heidalspel.blogspot.com/.