Dette vil truleg gjera det enklare både for dei som oppdaterer nettsidene og dei som brukar dei.
Dei nye nettsidene har dessutan fleire funskjonar som blir nyttige verktøy i arbeidet med ulike større arrangement som td. Strunkeveko og Jørn Hilme- stemnet.
Strunkeveko og Jørn Hilme-stemnet har stadig nye presseslepp om årets program som du kan følgje på dei nye nettsidene framover våren.
- Saman er me sterke
Dessutan vil denne felles nettportalen vera ein god stad å marknadsføre og synleggjera all slags aktivitet rundt i lokallaga i Valdres.
- Det hjelp ikkje om ein har gode tilbod for store og små dersom ikkje informasjonen når ut til folk. I eit stadig travlare samfunn er kampen om oppmerksomheita hard, og då er det gjerne dei små som lyt vike for dei store, seier leiar Ivar Hemsing som er leiar i Valdres Folkemusikklag.
Enno ligg også dei gamle sidene til Valdres folkemusikklag og Strunkeveko oppe, men etterkvart vil ein automatisk koma inn på dei nye sidene sjølv om ein skriv inn dei gamle adressene. Dei nye nettsidene er framleis under oppbygging, og vil nok endre seg noko utover våren og sumaren.
Dei som ynskjer å ta ein titt på sidene kan gå inn på www.hilme.no. Her kan du mellom anna påskefest i regi av Øystre Slidre spel- og dansarlag onsdag 20. april.