Linda Eide og Sigrid Moldestad tek her publikum med på ei musikalsk og verbal reise inn i "vestlendingens ytre og indre sjeleliv", med framifrå gjesteartistar frå både kjerneområdet og dalstroka utanfor.
Linda Eide,Sigrid Moldestad og co fyllte Voss idrettshall ein kveld i juni 2010, i samband med Landskappleiken på Voss. No legg dei ut på ei ny runde med " ord, tonar og audiovisuelle framstillingar".
I tilegg finn vi Ivar Kolve, Erlend Styve, Sigbjørn Apeland og Anders Hall blant musikarane. Gjestesolist på "Jaktstart med felebytte" er Kim André Rysstad.
Framsyninga skal etter planen spelas desse stadene:
• Trivselshagen, Sandane 25. februar
• Kviknes hotell, Balestrand 26. februar
• Flora Samfunnshus, Florø 27. februar
• Riksscenen for folkemusikk, Oslo 4. mars
• Kulturhuset, Voss 6. mars
Vi tek også med at Sigrid Moldestad er Månadens Artist hos Riksscena for folkemusikk i mars, og vil bli å høyre ved fleire høve denne månaden.
Interesserte finn meir om framsyninga på denne sida.