Womex er den største årlege messa for verdsmusikk og folkemusikk der bransjefolk og artistar frå heile verda møtast. Norsk folkemusikkformidling har vore representert på messa gjennom fleire år for å profilere norsk musikk. Norsk folkemusikk og verdsmusikk held ein høg kvalitet og etterspurnaden etter artistar i denne sjangeren har vorte større.
-Dette er eit høve til å presentere musikken eg arbeider med akkurat no for arrangørar og presse innan verdsmusikk, og kanskje møte andre musikarar som eg kan samarbeide med i framtida. Dette er fyrste gongen eg deltek på WOMEX, og eg gjer det i samarbeid med Music Export Norway, plateselskapet GRAPPA og managementet mitt ELEN-music. Håpar at WOMEX kan vere med på å gjere det lettare å få til turnear i Europa.
Den norske tradisjonsmusikken vert gradvis meir synleg utanfor Noreg. Vi har i dag mange dyktige utøvarar som ynskjer å livnære seg av folkemusikken, og dette er med på å gjere desse tradisjonane meir synlege og i verdsmusikkmiljøa.
Unni Løvlid er ein av dei mest markante unge musikarane vi har i dag. Ho er nyskapande, og lar seg ikkje binde av normer og reglar. Viktige læremeistrar og inspirasjonskjelder har vore mora, Oline Løvlid, Marta Seljeset Frøland og andre kjelder i Hornindal.) Løvlid er kvalifisert for eliteklassa, klasse A, på Landskappleiken, og gav i 1999 ut si fyste soloplate, So ro liten tull. Den andre soloplata, Vita, er ein spesiell produksjon, der opptak er gjort i Emanuel Vigeland mausoleet i Oslo. Ho jobbar som frilans musikar, og har dei siste åra hatt heile verda som arbeidsplass. I 2006 framførte ho Schönbergs Pierrot Lunaire som eiget konsertprosjekt i Oslo, og komponerte også til tingingsverk-konserten under Årinnfestivalen i Kristiansand same år. I 2007 lanserte ho sitt nye soloprosjekt i samarbeid med Hild Sofie Tafjord, Håkon Kornstad, Lena Grenager og Frode Haltli. I 2008 var Unni Løvlid difor tilbake med nytt album, Rite, tre år etter førre soloalbum, og denne gongen med sjølvskriven tekst og musikk. Unni Løvlid er ein allsidig musikar og kunstnar, og har erfaring frå mange ulike prosjekter og sjangrar som ligger ein stad mellom norsk folkemusikk, samtidsmusikk og elektronika. Musikken på Rite ligg i landskapet elektronika/samtidsmusikk/world.
http://www.myspace.com/unnilovlid
Johan Sara grip tak i den samiske tradisjonsmusikken og strekker den så langt som mulig. Han drar joiken inn i punken, før han trekker den baklengs inn i elektronikaens underlige univers.
I 2009 samarbeider Johan Sara Jr. Group med Sápmi Music og vert lansert med ein Europa-turné og på festivalar i Noreg. I tillegg er slapp gruppa sin nye CD 'Orvoš' våren 2009 der joiken vert presentert i eit eksperimentelt landskap av lyd og rytmar.
http://www.myspace.com/johansarajr
Øvrige nordiske artistar på Nordic Club er:
Sverige: