Dansekompaniet FRIKAR har vist heile Noregs – og Europas befolkning at det går an å gje den norske tradisjonsdansen eit fengande kunstnarleg uttrykk, og at det går an å leva av å utøva tradisjonsdans. Det er difor med forventning og spenning lærekreftene ved studietilbodet tek til med danseutdanninga saman med studentane. I Noreg vil ein no i framtida kunna venta seg at fleire kompani og dansarar med den norske tradisjonsdansen som profesjon vil gjera seg gjeldande i kunstfeltet. Studietilbodet er ein del av BA-studiet i dansevitskap med den nyoppretta studieretninga Utøvarstudium i tradisjonsdans. Studiet er eit samarbeid mellom Institutt for musikk ved NTNU, Norsk senter for folkemusikk og folkedans (Rff-sentret) og Ole Bull Akademiet (OBA).
Håvard Engell, tidligare profesjonell dansar og tidligare tilknytt Olympiatoppen har i fleire dagar inspirert, motivert og vist vegen for studentane til å nå målet for studiet: Studiet skal utdanne tradisjonsdansarar på eit høgt kunstnarleg nivå som skal kunne arbeide som solistar eller i ulike kunstnarlege eller pedagogiske samanhengar.
Martin Myhr (dansar/FRIKAR), Ami Petersson Dregelid (Folkedanspedagog/dansar), Sigurd Johan Heide (prosjektleiar Bygda Dansar), Kari Margrete Okstad (OBA) og Siri Mæland (Rff) dannar grunnstamma i lærarstaben. Professor i dansevitskap Egil Bakka er fagleg ansvarleg, og har saman med Gunnar Stubseid (rektor ved OBA) vore drivkrafta bak opprettinga av studiet. I tillegg til Håvard Engell, vil studentane læra av FRIKAR dance company, Hallgrim Hansegård, Leif Stinnerbom, og gjestelærarar frå samtidsdans/teaterdansfeltet i Noreg. Ein viktig del av studiet vil vera meisterlære, slik tradisjonsmusikkstudiet ved OBA har praktisert det. Studentane vil få møta og gå i lære hos ulike tradisjonsdansarar og tradisjonsdansmiljø, i tillegg til å få studera eldre tradisjonsdansarar på film ved Rff-sentret.
Studentane som er tekne opp ved studiet er:
Mathilde Folke-Olsen (Molde), Anna Liv Skjelten Gjendem (Molde), Bjørnar Blaavarp Heimdal (Numedal), Inga Myhr (Trysil), Torill Pedersen(Grytøya, Troms) og Magni Rosvold (Fusa, Hordaland).
Håvard Engell, tidligare profesjonell dansar og tidligare tilknytt Olympiatoppen har i fleire dagar inspirert, motivert og vist vegen for studentane til å nå målet for studiet: Studiet skal utdanne tradisjonsdansarar på eit høgt kunstnarleg nivå som skal kunne arbeide som solistar eller i ulike kunstnarlege eller pedagogiske samanhengar.
Martin Myhr (dansar/FRIKAR), Ami Petersson Dregelid (Folkedanspedagog/dansar), Sigurd Johan Heide (prosjektleiar Bygda Dansar), Kari Margrete Okstad (OBA) og Siri Mæland (Rff) dannar grunnstamma i lærarstaben. Professor i dansevitskap Egil Bakka er fagleg ansvarleg, og har saman med Gunnar Stubseid (rektor ved OBA) vore drivkrafta bak opprettinga av studiet. I tillegg til Håvard Engell, vil studentane læra av FRIKAR dance company, Hallgrim Hansegård, Leif Stinnerbom, og gjestelærarar frå samtidsdans/teaterdansfeltet i Noreg. Ein viktig del av studiet vil vera meisterlære, slik tradisjonsmusikkstudiet ved OBA har praktisert det. Studentane vil få møta og gå i lære hos ulike tradisjonsdansarar og tradisjonsdansmiljø, i tillegg til å få studera eldre tradisjonsdansarar på film ved Rff-sentret.
Studentane som er tekne opp ved studiet er:
Mathilde Folke-Olsen (Molde), Anna Liv Skjelten Gjendem (Molde), Bjørnar Blaavarp Heimdal (Numedal), Inga Myhr (Trysil), Torill Pedersen(Grytøya, Troms) og Magni Rosvold (Fusa, Hordaland).
NTNU: Studie i dansevitenskap