- Påmeldinga til tevlingane under kappleiken er svært bra. 361 påmeldte på 111 sceneinnslag lovar godt for ei kjekk helg, fortel Leif Erik Stuhaug frå arrangørane i Gamlebanken Spelemannslag.
Kappleikshelga tek til på fredag med solokonsert med Erlend Apneseth frå Jølster. Han er månadens artist på Riksscenen, og i førre veke kom han ut med si fyrste solo-utgjeving ”Blikkspor” som inneheld både tradisjonelle slåttar og improvisasjonar.
- Vi er stolte av å opne Vestlandskappleiken 2013 med solokonsert med ein av våre eigne, fortel arrangørane.
Tevlingane startar allereie fredag kveld med lagspel, gruppespel og dansetevlingar. Laurdag held tevlingane fram, og på kvelden vert det tevlingskonsert med mellom anna A-klassar og utdeling av Audhild Flaktveit Moxnes sin minnepris.
- Ta med deg naboen på Sunnfjord Hotell, for gode sceneopplevingar, dans og super stemning, oppmodar arrangørane.
Her finn du programmet for kappleikshelga. Hald deg oppdatert på program og anna info på: www.vestlandskappleiken.no.