Nyutgjeving:
Norwegian Folk Music
I 1979 utga trioen Hans W. Brimi, Mary Barthelemy og Jon Faukstad LP-en ”Norwegian Folk Music” i USA.
Plata vart fort utselt og kom aldri i handelen i Norge, sjølv om ein del eksemplar via private kanalar likevel fann vegen hit. Nå, 30 år seinare, har plateselskapet JPS Records sikra seg rettane til innspelinga og gjev det ut som CD. Repertoaret er for det meste frå Gudbrandsdalen, og ein får høyre alle tre både i solo og samspel med springleikar, brurmarsjar, bånsullar, gjætarmelodiar og runddansmusikk. På runddansmusikken blir trioen assistert av Arve Width på strykebass. Ein del av stoffet finst ikkje i andre innspelingar og vil vera nytt for mange.
