FolkOrg har ledig vikariat som rådgjevar med ansvar for kappleikar (80 % stilling)
FolkOrg – organisasjon for folkemusikk og folkedans har som sitt fremste føremål å arbeide for folkemusikken og folkedansen i Noreg ved å styrkje deira rolle og vilkår i samfunnet. Som kulturpolitisk interesseorganisasjon har vi eit breitt arbeidsfelt som spenner frå aktive lokale spel- og danselag, til fremjing av norsk folkemusikk både heime og ute.
Den tilsette vil få ansvar for FolkOrg sine oppgåver i samband med dei to store årlege arrangementa Landsfestivalen i gammaldansmusikk og Landskappleiken. I tillegg vil det i stillinga liggje eit ansvar for rådgjeving for lokale og regionale kappleikar.
Vi søkjer etter ein omgjengeleg og initiativrik person med interesse for og kjennskap til norsk folkemusikk.
Vi søkjer følgjande kvalifikasjonar:
- Høgare utdanning, fortrinnsvis innan kulturfag/ samfunnsfag/ informasjon. Relevant arbeidserfaring kan erstatte kravet til utdanning.
- Prosjektleiarkompetanse og evne til sjølvstendig arbeid
- God kjennskap til folkemusikk- og folkedansområdet er ein føresetnad
- Kjennskap til og erfaring frå kappleikar er ei føremon.
- God munnleg og skriftleg framstillingsevne på nynorsk og bokmål
Personlege eigenskapar:
- Gode kontaktskapande eigenskapar og evne til samarbeid
- Sjølvgåande, initiativrik og strukturert.
- Omgjengeleg person med evner til strategisk og administrativt arbeid
Vikariatet er i utgangspunktet 1 år frå midten av august.
Arbeidsstad er i kontorlokale i Schouskvartalet, sentralt i Oslo. Løn etter avtale.
For meir informasjon om organisasjonen, sjå www.folkemusikk.no. For spørsmål om stillinga, ta kontakt med dagleg leiar Linda Dyrnes på telefon 22 00 56 94/ 481 05 75, eller e-post: linda@folkemusikk.no eller rådgjevar Rannveig Djønne på telefon 47291012, eller e-post: rannveig@folkemusikk.no
Send søknad med CV til: post@folkemusikk.no
Søknadsfrist er onsdag 23. april.