I love you because...

Solbjørg tok på seg forskarbrillene og spurde desse spørsmåla:
1) Meinar du at Landskappleiken og Landsfestivalen bør slåast saman til eitt arrangement?
2) Kvifor/kvifor ikkje?
3) Kva meinar du er det beste og viktigaste me kan gjera for runddansen?

1) Per i dag meinar eg dei skal vera saman, men då bør det gjerast ein del i høve til korleis ein legg det opp. Det bør vera ein grundig debatt omkring korleis eit slikt arrangement skal gjennomførast.

2) Eg meinar at folkemusikkmiljøet ikkje er større enn at det kan vera samla. Det bør vera greitt for både publikum og deltakarar på Landskappleik og Landsfestival. Landsfestivalen vert mindre og mindre, og i år er det færre deltakarar enn det har vore på ei god stund. I tillegg er det mykje for folk å skulle bruke to veker av ferien til å reise på festivalar. Hadde me slått dei saman hadde me klart oss med ei veke.

3) Eg meinar Landsfestivalen bør dekkast på same nivå som Landskappleiken vert på radio/tv. FolkOrg kan gjera ein større innsats i høve til Landsfestivalen. Det kjennest som at Landskappleiken vert prioritert fyrst uansett. Slik det er i dag er Landsfestivalen og Landskappleiken to likestilte arrangement.

1) Eg meinar det bør vera to arrangement.

2) For vårt lag er det runddansmusikken som er viktigast. Me har stort sett reist på Landsfestival, og ikkje på Landskappleik. Dersom Landskappleiken og Landsfestivalen vert slått saman, er det ikkje sikkert me reiser. Per i dag er medlemmar i laget mest interessert i runddansmusikk. Eg trur ein når eit breiare publikum dersom ein har to arrangement. I tillegg trur eg det kan vera vanskeleg å finna arrangørar som har kapasitet til å ta på seg eit så stort arrangement. Det ville til dømes vore vanskeleg for oss.

3) Det viktigaste er at musikken vert spelt mest mogleg i alle samanhengar. Me må jo prøva å få inn folkemusikk alle stader, t.d. i kulturskulen. At det vert eit naturleg val for kulturskuleelevar. Folkemusikken er ein del av historia, og når eg snakkar om folkemusikk meinar eg både runddans og bygdedans. Det er berre alderen som skil dei frå kvarandre, og det er kanskje eit kunstig skilje.

1) Norill og Silja: Nei!
     Ida Marie og og Marie: Ja! 

2) Norill: Eg tykkjer Landskappleiken er litt stiv.
     Silja: Eg tykkjer NM vart litt for stort. Og dersom det er to arrangement, kan ein iallfall få med seg eitt, om ein ikkje kan vera tilstades på begge.
     Ida Marie og Marie: Dersom det er to arrangement er det vanskeleg å få med seg begge to, og ein må ofte velje. Då er det fint å kunne få med seg begge på eitt og same arrangement.

3) Det er viktig å lære musikken vidare til dei yngre generasjonane. Også må me overbevisa folk om kor moro det er med folkemusikk, det er verkjeleg moro!! 

1) Ja, eg trur ein kan slå dei saman.

2) Dei jobbar mykje med det same, og eg trur det vil fungera fint som eitt arrangement.

3) Ein bør jobbe for at det vert spela meir runddansmusikk i radioen. Det fyrste eg høyrer om morgonen og det siste eg høyrer om kvelden er radioen som ropar Yeah - yeah - ble - ble. I love you because!

(Frå sida: da va verkjeleg godt sagt! Eg e so einig.)