Gamaltnymalt

Gamaltnymalt tilhøyrer den kommersielle motvekta til den såkalte ”Bergensbølgja” i norsk musikk. Trioen øver på Arne Bjørndal Samling i Bergen, eit steinkast frå den mørke rock-klubben Garage.

Mørkt, rått og mystisk er ord ein også kan bruke om denne sjeldne trioen sin musikk. Tre framståande instrumentalistar fører hardingfelemusikken over i ein ny dimensjon.

Det kling kraftig frå deira fem-strengs hardingfeler. I seg sjølv ein unik tilvekst i instrumenhistoria for hardingfela i Norge.

Trioen brukar lang tid på å kle tradisjonelle slåttar og komposisjonar med dei rette fargane. På leit etter klangane som ventar ein stad mellom understrengjer og overstrengjer fører trioen slåttane inn i eit forsterka landskap. Dei løftar tradisjonane for instrumentet som individualistisk framføringsmedium (solo-spel) inn i noko heilt nytt. Sterk stryketrio-musikk oppstår.

Diskografi

GamaltNymalt (NORCD, 2005) (Spelemannsprisen 2006)