Berg, Kirsten Bråten

Kirsten Bråten Berg er ein av landets aller viktigaste tradisjonsberarar av vokal folkemusikk. Ho har også brukt tradisjonsmusikken i nye samanhenger, til dømes i samarbeidet med jazzmusikaren Arild Andersen, og i prosjektet Frå Senegal til Setesdal. Ho er høgt dekorera, i 2005 blei ho slått til Ridder av 1. klasse av Den Kongelige Norske St Olavs Orden.

Ho starta sitt samarbeid med andre musikarar i gruppa Slinkombas (1978-1982). Gruppas første utgjeving fekk spellemannpris. Av medlemmene i Slinkombas er det særleg Hallvard T. Bjørgum ho har samarbeida med i åra etterpå. Dei har gjeve ut fleire plater saman. Første soloplate Kirsten Bråten Berg kom i 1980, sidan har ho kome med soloutgjevingane Min kvedarlund, som og fekk spellemannpris, og Syng du mi røyst. Ho er kvalifisert til eliteklassa, klasse A, på Landskappleiken, og vunne Landskappleiken to gonger, ein av desse gongene fekk ho Kongepokal for prestasjonen. Ved sidan av utstrakt utøvande verksemd, og drift av eigen sylvsmie, har Kirsten Bråten Berg vore pedagog, tilknytt kulturskulen i heimkommunen, og dei store musikkinstitusjonane i Noreg.

Ho har og vore kulturpolitisk engasjert, og sitte i Kulturrådet (1992-1996) og i styret til Rikskonsertane (frå 2000). Hausten 2005 var ho med i Tryllefløyten – ein folkeopera (regi Leif Stinnerbom)som hadde premiere på den norske Opera. Stykket blei sett opp på rundt førti scener i Noreg og Sverige, og er Rikskonsertanes største satsing nokon sinne. Same år kom ho med plata Stemmenes skygge, saman med mangeårige samarbeidspartnarar Lena Willemark og Marilyn Mazur. Stemmenes skygge blei uroppført under Molde jazzfestival 2000. Ho arbeider for tida med boka Stev for Dagen (365 stev frå Setesdal), og ny solo CD.

Diskografi

Priser