Opheim, Berit

Berit Opheims musikalske verksemd spenner vidt, ho er klassisk utdanna frå Bergen Musikkonservatorium og Norges Musikkhøyskole (1987 – 1992), og har utmerka seg som ein av dei aller viktigaste kvedarane i landet. Stemma hennar har nærast ingen grenser, og ho har dei siste femten åra drive med kunstarisk verksemd på scener i Noreg, Europa og Asia. Komponisten Lasse Thoresen skreiv verket Løp, lokk og linjar for ensemblet BIT20 og Berit Opheim i 2002 (uroppføring under Ultimafestivalen), og her byggjer mykje av verket rundt songen hennes. Med sin allsidige bakgrunn er ho ettertrakta i samtidsverk som nytter mikrotonalitet. Ho er medlem i fleire ensemble og blir engasjera som solist både i folk-, jazz- og samtidsmusikksamanhengar. Opheim var med i gruppene Orleysa (1989 – 1993) og Fantafylgje (1996-1998) og er no i BNB Trio (1998). Ho har også turnert mykje med Karl Seglem og Utla. I 2005 og 2006 spela ho Månefruva (Nattens dronning) og Fuglefenta (Papagena) i Tryllefløyta - ein folkeopera (regi Leif Stinnerbom). Opheim er kvalifisert for eliteklassa, klasse A, på Landskappleiken og vann denne i 1992, 1995 og 1996. I 2004 stilte ho som solist i open klasse på Landskappleiken, noko som er høgst uvanleg, og vann denne med ein improvisasjon. Prestasjonen blei i ettertid karakterisert som grensesprengande. Ho har særleg jobba med folkemusikk frå vestlandet og heimbygda Voss. Opheim har vore pedagog på dei store musikkinstitusjonane, men og i kvedargrupper for born og vaksne på Voss. I 2004 og 2005 var ho fylkesmusikar i Hordaland. I 2007 har ho gitt ut plata Den blide sol, saman med Sigbjørn Apeland, ho komponerer tingingsverket til Vossa Jazz i mars 07, Ein engel går stilt, og ho kjem etter planen med si andre soloplate, som skal vere med slåtetralling.

Diskografi

Norske Arvestykker; Bergen Domkantori (BDCD,1990)
Orleysa; (Odin Records, 1991)
Svanshornet; Orleysa (Odin Records,  1993)
Rit; Karl Seglem (1994)
Definitly Pling Plong (1995)
Brodd; Utla (NORCD, 1995)
Dåm; Oslo Kammerkor (KK, 1995)
Eitt Steg; Berit Opheim (NORCD,1996). Soloplate, nominert til Spellemannprisen 1997
Blå Harding; Nils Økland (Morild, 1996)
Fryd; Einar Mjølsnes, Per Jørgensen, Sigbjørn Apeland, Bjørn Kjellemyr (Vossa Jazz Records, 1998)
Folketonar frå Hordaland; Reidun Horvei (Det norske Samlaget, 1998)
Spir; Karl Seglem (1998)
Dedicaces; Gilles Obermayer (1998)
Bergtatt; Oslo Kammerkor (KK, 1999). Nominert til Spelemannsprisen 2000
Syng; Småkvedarane (NORCD, 2000)
Straum; Nils Økland (Rune Grammofon, 2000)
Nye nord; Karl Seglem (NORCD, 2002)
Skal/skal ikkje (Kvarts, 2003)
Løp, lokk og linjar; (Lasse Thoresen) m/BIT 20 (Aurora ACD, 2005)
Ein song frå dei utsungne stunder; BNB Trio (2L, 2005)
Den blide sol (NORCD, 2007)

Bøker

Solæ mi sela (1995/1996)

Priser

Sagaprisen 1994
Forbrukersamvirkets kulturpris 2000
Badnajazz-prisen 2003
Rolf Gamleng-prisen 2004
Vossa Jazz-prisen 2005
Statens Kunstnerstipend 2005 – 2006

Biografien er produsert av Norsk folkemusikkformidling. Kjelde biografi frå MIC